Silav, hevalino! Îro em ê li ser 10 fîlmên herî baş ên efsaneyê sînemayê Al Pacino biaxivin! Em ê bi vî efsaneyî re rêwîtîyekê bikin. Hûn amade ne? Popcornên xwe bistînin, li ser kursîyên xwe birûnin, ji ber ku ev dê bibe serpêhatîyeka fîlman a xweş!
Bi Kurti Al Pacino!
Al Pacino, 25ê Nîsana 1940ê de ji dayik bûye, lîstikvan û derhênerekê navdar ê Amerîkî ye. Bi eslê xwe Îtalî ye, Pacino bi taybetî di salên 1970yê de bi rola Michael Corleone di rêzefîlma “The Godfather” (Bavê Mezin) de navûdengê cîhanî bi dest xist. Bi performansa xwe ya hestyarî, hebûna wî ya balkêş li ser sehneyê û dengê wî yê yekta, bû yek ji lîstikvanên herî îkonîk ên dîroka sînemayê ye. Di fîlmên wek “Scarface” (Rûyê Birîndar) û “Scent of a Woman” (Bêhna Jinê) de jî rolên wî nayên jibîrkirin. Pacino xwedîyê xelateka Oscarê, du Tony û du Emmyê ye û di lîstikvanîyê de serkeftineka kêmdîtî bi dest xistîye.
1. The Godfather (1972)
Efsane li vê derê dest pê dike: Performansa Al Pacino ya Michael Corleone di dîroka sînemayê de bi tîpên zêrîn hatîye nivîsîn. Ji xortekê bêguneh ber bi serokê mafyayê ve guherîna wî, mirovî dilerizîne. Sahnêya we ya herî bijare ya Godfatherê kîjan e? Di şiroveyan de binivîsin!
2. The Godfather Part II (1974)
Fîlmê duyem ê rêzefîlmê bi qasî yê yekem bihêz e! Pacino, Michaelî hem di serkeftinê de hem jî di tenêtîyê de bi rengekî wisa dileyize ku mirov matmayî dimîne. Hebûna Robert De Niro jî bonûs e! Hûn çi difikirin, ev fîlm ji yê yekem çêtir e an na? Ka em nîqaş bikin!
3. Scarface (1983)
“Say hello to my little friend!” Bi rola Tony Montana, Pacino mîna bombeyekê teqîya! Scarface, çîroka destanî ya xîret û hilweşînê ye. Ev fîlmê salên 80yan, we çend caran temaşe kir? Bibêjin!
4. Dog Day Afternoon (1975)
Ev fîlm ji çîrokeka rastî hatîye wergirtin û Pacino wekî talankerê bankê Sonny bi serkeftî dilîze. Qîrîna “Attica! Attica!” hê jî di guhên min de ye. Fîlmekê hestîyar û kaotîk! Ev fîlm bandoreka çawa li we kir?
5. Heat (1995)
Rûbirûbûna efsanewî ya Pacino û De Niro! Di ‘Heat’ê de Pacino wekî dedektîf, sînorê di navbera sûcdar û polîsan de nîşan dide. Ew sehneya qehwexaneyê di dîroka sînemayê de cihê xwe girtîye. Sahnêya we ya bijare kîjan e?
6. Serpico (1973)
Pacino, wekî polîsê durist Frank Serpico, li dijî gendelîyê şerî dike. Çîrokeka rastî, hem îlhamê dide hem jî dilêş e. Realîzma Pacino di vî rolî de bandor li we jî kir?
7. Scent of a Woman (1992)
“Hoo-ah!” Performansa Pacino ya wekî albayê kor Frank Slade, xelata Oscarê wergirt! Çîrok hem kêfxweş e hem jî hestîyar e. Ew sehneya tangoyê tê bîra we? Hûn çi difikirin, ev rola herî baş a Pacino ye gelo?
8. Carlito’s Way (1993)
Tevgera Carlito ya ji bo revîna ji rabirdûyê, yek ji performansên herî bi bandor ên Pacino ye. Carlito’s Way, çîrokeka xemgîn a cîhana sûcan e. We ev fîlm temaşe kirîye? Hûn çi difikirin?
9. Glengarry Glen Ross (1992)
Di vî fîlmî de, Pacino wekî stêrka tîyatroyê dibiriqe. Cîhana firotinê ya hovane nîşan dide û her replîka wî mîna zêran e! “Always be closing” di hişê we de ma?
10. The Insider (1999)
Lîsteyê bi The Insiderê digirin. Pacino wekî rojnamevanekê, çîrokeka rastî bi awayekî balkêş tîne ber çavan. Hevkarîya wî bi Russell Crowe re bêhempa ye! Ev fîlm we çawa bandor kir?
Dawî
Al Pacino, bi her rola xwe re sînema geş kirîye. Ev fîlm nîşan didin ka çima ew efsaneyek e. Hûn çi difikirin, di lîsteyê de kêmasîyek heye gelo? Fîlmê we yê bijare kîjan e? Di şiroveyan de em bibînin!
