Dengbêjê navdar ê kurdên sovyêtê Feyzoyê Rizoroja çarşemê serê sibê çû ber rehma Xwedê. Mirina wî li ser medyaya civakî hate belavkirin ji alîyê heskirîyên wî ve.
Dengbêj Feyzoyê Rizo Çawa Jîyana Xwe Ji Dest Da?
Ew sal bûn nexweşîya penceşêra mîdeyî li dor Dengbêj Feyzoyê Rizo hebû. Van rojên dûmahîkê rewşa wî xirabtir bûbû û vê çarşemê ruhê wî şad bû. Termê wî dê îro biveşêrin li goristana Krasnodarê.
Dengbêj Feyzoyê Rizo Kî Bû?
Dengbêj Feyzoyê Rizo di sala 1954an de li gundê Vermezyarê yê Êrîwanê tê dinyayê. Denbêj Feyzoyê Rizo birazîyê dengbêjên bi nav û deng Şêroyê Biro û Mecîdê Faris e.
Malbata Dengbêj Feyzoyê Rizo Ji Ku Ye?
Malbata Dengbêj Feyzoyê Rizo Kurdên Êzîdî ne. Malbata wan pêşîkê koçî Îdirê dikin û piştî qewirandina 1915an jî berê xwe didin Ermenistanê.
Malbata Dengbêj Feyzoyê Rizo Çi Kir?
Stran û kilamên Dengbêj Feyzoyê Rizo di Radyoya Êrîwanê de 26 salan hatine stirîn.
Dengbêj Feyzoyê Rizo û Bilûrvan Egîdê Cimo Bi Hev Re…
Di heman demê de ew hevalê bilûrvanê navdar ê kurd Egîdê Cimo ye jî. Salên 2003an li gel Egîdê Cimo gelek caran li festîwalên curawcur derdikevin ser dikê û li gel bilûra Egîdê Cimo gelek stran û kilaman distrê. Her weha her du di filmê “Vodka Lemon” de bi hev re dilîzin bi derhênerîya Huner Saleem.
Hinek Stran û Kilamên Malbata Dengbêj Feyzoyê Rizo
Berhemên Feyzoyê Cimo bi dehan berhem li dû xwe ji bo miletê xwe hêlane. Hinek ji wan ev in: Qîza Mele, Xalo, Hekîmo, Destmalê, Delalîyê, Bavê Feqî, Oy li Min…
