Ajansa Enerjiya Atomî û Enerjiyên Alternatîf a Fransayê (CEA) wêneya herî zelal a mejiyê mirovan weşand ku bi cîhaza herî bihêz a wênesaziya rezonansê ya magnetîkî (MRI) ya cîhanê hatiye bidestxistin.
Di daxuyaniya nivîskî de ya ku ji teref CEA’yê ve hatî dayîn hat diyarkirin ku dîmenê mejîyê ku bi cîhaza MRI ya bi navê “Iseul” hatiye girtin di encama lêkolînekê de hatiye bidestxistin ku zêdeyî 20 salan dewam kiriye.
Lêkolîn Çawa Hatîye Kirin?
Hat diyarkirin ku di çarçoveya lêkolînan de cîhaza MRIyê di van çend mehên dawî de li ser 20 dilxwazên saxlem hatiye ceribandin û hema hema di 4 deqîqeyan da wêneyê mêjiyê herî zelal hatiye bidestxistin. Di daxuyaniyê de hat destnîşankirin ku wêneyên bi makîneya Iseult MRI ya ku xwedî hêza magnetîkî ya 11,7 Tesla ye di demeke kin da hatine kişandin, dibe ku bi saetan bi cîhazên ku li nexweşxaneyan tên bikaranîn bên bidestxistin.
Serokê Projeya Iseult û Midûrê Lêkolînê yê CEA Nicolas Boulant di daxuyaniya xwe de diyar kir ku ji bo bidestxistina daneyên bi kalîtetir lêkolîn dê çend salên din berdewam bikin û armanca wan ew e ku heta 2026-2030an li gel nexweşîyên neurodejenerative di warê psîkiyatriyê de li ser nexweşîyên wekî şizofren û bipolarê jî gelek nexweşiyan lêkolîn bikin.
Agahiyên anatomîkî yên ultra-detayên ku bi cîhaza Iseult MRI hatine bidestxistin tê pêşbînîkirin ku alîkariya teşhîsa nexweşiyên wekî Alzheimer û Parkinsonê bike.
