Rêya min weke pîrikên ku di kevneşopîya digotin “Ez hatim, dê bebika te jî bê” de pêş dikeve. Ez 5ê Gulanê Roja Pîrikan ya Cîhanî pîroz dikim.Di her zayînê de, em şahidîya serpêhatî û hînkirinên bêhempa dikin. Ez pê şanaz im ku şahidîya veguhertina jinan dikim. Dema dayîk dibêje me bê te nikarîbû, wijdanê pîrikê şa dibe, ne egoya wê. Ez dibêjim hêza te ye, cesareta te ye. Pîrik şahid, rêheval, mil, dest û lingê zayînê ye. Pîrik jî yek ji rêwîyên çîrokan ne. Peyva Midwife di zimanê saksonê de tê wateya “Jina ku rasterast li kêleka jinê ye”.
Pîrik çi dike, hêza serdestîya pîrikan ji ku tê? Ji bo ku bibin şahidê mûcîzeya herî mezin, şîfayê didin û dayîk spasdarîya xwe dibêjin. Carinan tenê nihêrîn, carinan destên xwe direj dikin, birînên jinan dipêçin, li benda zayinê diskinin, dua dikin… Carinan heman hêsiran dirijînin, carinan li benda pitikê disekinin…
Pîrik tekane pîşe ye ku dikare bikeve odeya razana jinan û li ku derê jin hebe, pîrik jî heye. Pîrik ji bo peydakirina hewcedarîyên tenduristîya zayendî û hilberînê ya jin û ciwanan hewce ne, ji bo bidestxistina armancên pêşveçûna domdar a bingehîn û bi îstîqrar û peydakirina lênihêrîna bi kalîte ji bo rizgarkirina jiyana jin û zarokên nûbûyî mifte ne.
Ger hûn dixwazin herikîna xwezayî ya jidayikbûnê piştgirî bikin, pêşî guh bidin jinê û piştre jî guh bidin pîrikê. Li gorî Konfederasyona Navnetewî ya Pîrikan (ICM); Di dema ducanîyê, jidayikbûn û piştî ducanîyê de lênêrîna jinê, şîretkirina pêwîst, di bin berpirsiyarîya xwe de welidandinê, xebatkarek tenduristîyê ya pêbawer, pispor e ku lênêrîna pitika nûbûyî digire û bi jinê re hevkarîyê dike.
Ya ku pîrik dixwazin ew e ku xizmeteke baş ji her jin, zarok û malbatê re pêşkêş bikin. Ji bo her ducanîyek pîrikek, ji bo her pîrikêk ducanîyek.
