SoloFest Çi Ye û Armanca Wê Çi Ye?
Komeleya Hunerî û Jiyana Ekolojîk a Mordemê ji roja damezrandina xwe heta niha wezîfeya xwe ya gihandina şêweyên hunerî yên çanda Kurdî didomîne ku hema bêje jibîrkirî ye. Festîvala bi navê “Solo Fest 4: Rengê Xwe Hilde û Were” cara çaremin dê îsal pêk bê ku yek ji mezintirîn diyardeyên vê mîsyonê ye û li ser mîrateya çandî û ragihandina wê radiweste. Hewil dide ku bi rêya Festîvala Solo ya Navnetewî, ew formen vegotina yekkesî yên çandên dî ku veguhêze û jîndar bike ku dê xwe bispêre kevneşopîya vegotina yekkesî ya çand û hunera Mordemê.
Konsepta SoloFestê Çawa Ye?
Festîvala Solo di nav xwe de balê dikişîne ser formên vegotinê yên kevneşopî yên wekî ‘Dengbêj, Qawîlbej û Çirokbej’ ku li ser vegotin-performansa yekkesî pêk hatine û di heman demê de mînakên girîng ên van kevneşopiyên vegotinê yên yekkesî ne di çanda kurdî de. Divê bê diyarkirin ku ev formên hunerî bi rastî hêmanên bingehîn ên hunera şanoyê ne û motîvasyona SoloFestê jî ew e ku nîşan bide da ku ew parçeyek ji hunera şanoyê ye.
Kî Dê Li SoloFestê Bilîzin?
Festîvala Solo ya îsal wekî mîhrîcanek hate sêwirandin ku tê de piraniya berhemên ku ji bo wekheviya zayendî li ber çavan bên girtin, dê ji hêla lîstikvanên jin ve werin lîstin. Her weha du lîstik dê cih bigirin ku li ser mijarên LGBT’yan radiwestin. Slogana ‘Rengê xwe hilde û were’ nîşan dide ku her reng tê de ye û her kes bêyî ferq û cudahî ji beşdariyê re vekirî ne.
Beşdarvanên SoloFestê Ji Ku Ne?
Festîvala ‘SoloFest 4: Rengê Xwe Hilde û Were’ ku wê di navbera 27ê Cotmeh û 5ê Mijdara 2023an de bê lidarxistin, ji Îran (Urmiye, Bokan, Tehran), Hollanda (Amsterdam) û Tirkiyeyê (Îzmîr, Stenbol, Îzmîr, Amed, Şirnex, Mêrdîn) dê mazûvaniya mêvanan bike. Festîvala ku dê bi 43 hunermendan ve bi dîlana hemdem, cureyên vegotinê yên kevneşopî, hunerên performansê, monodrama û rîtuelên hemdem bên pêşandan. Her weha di festîvalê de 15 çalakî wê bên lidarxistin ku ji panel, atolye û lîstikan pêk tên.
SoloFest Dê Li Ku Bê Lîstin?
Festîval her weha armanca wê zêdekirina gihandina hunerê ji bo zarokên li herêmên erdhejê ye û dê dahata bilêtên festîvalê ji bo organîzekirina atolyeyan û pêşandanên lîstikê ji bo zarokên li herêmên erdhejê bên bikaranîn. Lîstik dê li deverên cuda yên Amedê bên lîstin û bigihêje temaşevanên berfireh û dîtina cihên dîrokî zêde bike. “Ev çalakî, dê li mekanên ku karaktera bajêr nişan didin û mîreteya çandî digehin hev, wekî fersendekê sêrbazîya rabirdûyê vugehêze roja me.”
