Reva lîstikvan, derhêner û senarîstê kurd Yilmaz Guney a ji girtîgehê dê bibe mijara fîlmî. Li gorî daxuyaniya Ugly King Production dê çîroka reva ji girtîgehê ya Yilmaz Guney bê kişandin.
Kî Dê Filmê Yilmaz Guney Çêbikin?
Jiyana lîstikvan, derhêner, senarîst û çêker Yilmaz Guney ku bi nasnavê “Qralê Kirêt” tê nasîn dê ji aliyê Edi û Bruno Hubschmid ve bê adaptekirin bo filmî.
Çêker û Derhêner û Lîstikvan Kî Ne?
Ev filmê ku li ser jiyana Yilmaz Guney e, di demeke nêz de hilbijartina lîstikvanên herêmî û biyanî dê dest pê bike. Derhênerîya wê dê Cîhan Înan û çêkerîya wê jî Kaizm Çarman bike.
Dê Kîjan Perçeyê Jîyana Yilmaz Guney Bibe Mijara Filmî?
Piştî nameya Yilmaz Guney ji Hubschmide re şandibû dema ku di zindana nîvvekirî ya Ispartayê de derbas dibû, pêvajoya qedandina fîlma “Rê” ya neqediyayî û çîroka reva ji zindana Ispartayê ber bi girava Rodos, Swîsre û Fransa ve, dê bibin mijara vî filmî.
Çêkerê Swîsreyî Edi Hubschmid di pirtûka “Rê Çîrokek Sirgûnê ye” de dema di navbera reva Guney ji girtîgehê û mirina wî de berhev kiriye.
Yilmaz Guney Çima Ketibû Girtîgehê?
Yilmaz Guney bi sûcê kuştina dadger Sefa Mutlu yê li taxa Yumurtalik a Edeneyê di gazinoyekê de hat sûcdarkirin û pişt re 19 sal cezayê girtîgehê lê hat birîn. Piştî 5 sal cezayê girtîgehê, di sala 1981an de ji girtîgehê reviyabû.
