Di rojên germ ên havînê de, bandora tavê ya şewitandî beden û giyanê me diceribîne. Erê, em dikarin di van şert û mercên dijwar de jî qenciya di hundirê xwe de biparêzin? Digel zehmetiyên ku hewayê germ bi xwe re tîne, gelo mirov dikare bi xwe û hawîrdora xwe re di nav aştiyê de bimîne? Gava ku em li bersiva van pirsan digerin, giring e em ji bîr nekin ku em hewce ne tovên dilovanî û hezkirinê di hundirê xwe de mezin bikin, di bin rojê de di siha qenciyê de.
Empatî: Dengê Biharê ye di Dilê Me de
Germahiya hewayî dikare mirovan aciz û bêsebir bike. Di vê rewşê de, empatî hewildana fêmkirina kesê din e, dengê bihara hênik a di nav dilê me de ye. Fêmkirina hestên kesê din, hîskirina rewşa wî belkî dilopeka hênikbûnê be. Fêmkirina mirovan tê wateya nirxdayîna mirovan.
Gotinên Xweş: Darên Siyê Didin
Nazikbûnî, tê wateya afirandina wan daran ên ku bi gotinên me siyê didin. Çawa ku siyek sar di germê de me nû dike, gotinên xweş jî giyanê me hênik dike. “Ji kerema xwe re” an jî “Spas”ek hêsan dikare di dilê kesê din de bayekê xweş çêbike. Nazikbûnî ne bi tenê yên din, di heman demî de me jî qenc dike.
Xêrxwazî: Bayê Hênik di Dilê Me de
Alîkarî bayekî hênik e ku di hewayên germ de di hundirê xwe de lê dide. Karên piçûk ên dilovanî, parvekirina qedehek avê an nîşankirina siyek, cudahiyek mezin çêdike. “Dermanê mirovan, mirov e.” Alîkarî hem me hem jî hawîrdora me hênik dike.
Hejxwekirin: Xwarinê bi Xêr û Xweşî
Mirov xwarinên baş û sihet bixwe, hingê di têkilîyan de mirov dê ji kesên din re jî baş be. Têrvexwarina avê, derbazkirina wextî li cihên hênik û xwarina parêzek hevseng, laş û giyanê me bi qenciyê têr dike. Hejxwekirin, çavkaniya qenciyê di hundirê me de xurt dike.
Pozîtîvî: Siheka Hênik di Bin Tavê de
Mayîna pozîtîv û erênî tê wateya afirandina sîwanek hênik di hundirê me de li hember nerênîbûnê. Bişirîn û bi hizirên erênî hem me hem jî derdora me hênik dike. Bişirîn eşkerekirina bedewiya di hundirê mirovî de ye.
Parvekirina Qenciyê: Ji Siyê Ber bi Siyê ve
Tevgerên baş tên vegirtin. Vê havînê, bîranînên xweş çêbikin û parve bikin. Qenciyê ji siyê ber bi siyê ve hilgirin. Qencî, derbirîna bihara evînê ye di nava mirovî de.
Di bin tavê de, di bin siya qenciyê de hênikbûn hêsan e. Her çend hewaya germ me dikişîne û sînorên me diceribîne jî, em dikarin bi qencî û dilovaniya di nav dilê xwe de hilm û henaseyek hênik bistînin. Bûyîna mirovekê baş, her dem bi nirx û watedar e, demsal çi demsal be jî. Di bin siya qenciyê de her dem hênik bibin.
