Google Gemini, di meha Adarê de li seranserê cîhanê hejmara bikarhêneran gihişt 350 milyon kesan. Mark Zuckerberg ragihandibû ku ChatGPT di meha Adarê de nêzî 600 milyon bikarhênerên çalak ên mehane û ji alîyê din ve Meta AI jî di meha Îlonê de gihiştibû nêzîkî 500 milyon bikarhênerên çalak ên mehane. Ji sedî 40ê bikarhêneran Google Gemini ji bo lêkolînê, ji sedî 30 ji bo afirînerîyê, ji sedî 20 ji bo hilberînerîyê û ji sedî 10 jî ji bo kêfê bi kar tînin.
Ev daneyên he nîşan didin ku robotên sohbeta jîrîya çêkirî di navbera qadên takekesî û profesyonel de her ku diçe bêtir têne yekkirin, û ev yek di heman demê de mezinahî û cihêrengîya bazarê jî radixe ber çavan.
Hejmara Mehane ya Bikarhênerên Google Geminîyê Gihişt 350 Milyonan
Platforma jîrîya çêkirî Google Gemini, li seranserê cîhanê bi gihiştina girseyeka mezin a bikarhêneran balê dikişîne. Li gorî daxuyanîya şirketê, hejmara bikarhênerên çalak ên mehane yên Gemini’yê gihişt 350 milyonan. Ev hejmar nîşan dide ku platformê di demeke kurt de çi qas populerbûneka mezin bi dest xistîye û eleqeya li ser teknolojîya jîrîya çêkirî bi lez zêde dibe.
Karanîna robotê jîrîya çêkirîyê Googleê sala borî bi awayekî berbiçav zêde bû. Gemini, di Cotmeha 2024an de bi tenê 9 milyon bikarhênerên çalak ên rojane hebû, lê li gorî daneyên meha borî yên şirketê, tê ragihandin ku gihîşt 35 milyon bikarhênerên çalak ên rojane.
Lê belê, Gemini hîn jî li paş amûrên jîrîya çêkirî yên herî populer ên sektorê dimîne. Tê zanîn ku ChatGPT di meha Adarê de nêzî 600 milyon bikarhênerên çalak ên mehane hebû û Meta AI jî, li gorî daxuyanîya Zuckerberg, di Îlona borî de nêzî 500 milyon bikarhênerên mehane hebûn.
Hevkarî û Kapasîteya Gemini’yê
Googleê, sala borî Gemini bi telefonên Samsung, sepanên Google Workspace û entegrasyonên zîrekîya sûnî yên Chromeê re gihand bi milyonan bikarhêneran. Hevkarîya Gemini ya bi Samsungê re ji Googleê re biha ye. Google ji bo ku robotê sohbeta jîrîya çêkirî Gemini li ser cîhazan bimîne, mehane mîqdarên mezin pere dide Samsungê.
Gemini, bi taybetî bi kapasîteyên xwe yên pêvajoya zimanê siruştî (NLP), navrûyê xwe yê bikarhêner-dostane û qadên karanîna wê yên pirreng, derdikeve pêş. Platform, ne bi tenê ji alîyê bikarhênerên takekesî ve, lê her weha ji hêla karsazî û pêşdebiran ve jî eleqeyeka mezin dibîne. Google, bi taybetmendîyên nûjen ên ku Gemini pêşkêş dike, armanc dike ku jîyana rojane ya bikarhêneran hêsantir bike û karîgerîya karsazîyan zêde bike.
Zêdebûna Zû ya Bingeha Bikarhêneran
Li gorî daxuyanîyên Googleê, bingeha bikarhênerên Gemini di nav sala borî de bi awayekî giring mezin bûye. Platformê, bi taybetî li Asya, Ewropa û Emerîkaya Bakur, belavbûneka mezin bi dest xistîye. Sedemên sereke yên ku bikarhêner platformê tercîh dikin ev in: dema bersivdayîna bilez a Gemini, piştgirîya wê ya pirzimanî û adaptasyona wê ji bo sektorên cihê. Her weha, API û amûrên entegrasyonê yên ku Gemini ji pêşdebiran re pêşkêş dike, belavbûna platformê di cîhana karsazîyê de jî zêde kirîye. Mînak, di sektorên wekî e-bazirganî, tenduristî, perwerdehî û darayî de çareserîyên jîrîya çêkirî yên Gemini bi awayekî çalak têne bikaranîn. Google pêşbînî dike ku ev mezinbûn wê berdewam bike û Gemini wê bigihîje bêtir sektoran.
Armancên Pêşerojê
Google plan dike ku pêşengîya Gemini di qada jîrîya çêkirî de bidomîne. Şirket, ji bo baştirkirina kapasîteyên platformê, bi berdewamî taybetmendîyên nû û nûvekirinan diweşîne. Bi taybetî, xebat li ser modelên zimanî yên pêşkeftîtir û ezmûnên bikarhêner ên kesane têne kirin. Google armanc dike ku Gemini di pêşerojê de bigihîje zêdetirî 500 milyon bikarhêneran û teknolojîya jîrîya çêkirî di her qada jîyana rojane de bêtir bigihe. Serkeftina Gemini, her weha nîşan dide ku veberhênanên Googleê yên di qada jîrîya çêkirî de çi qas di rêyeka rast de dimeşin. Şirket, bi helwîsta xwe ya nûjen, li hember hevrikên xwe pozîsyoneka bihêz diparêze.
Ji sedî 40ê Bikarhêneran Google Gemini ji bo Lêkolînê Tercîh Dikin
Dema em li statîstîkên bikarhênerên Gemini dinêrin, DYE bi ji sedî 18ê trafîkê di rêza yekem de ye. Piştî wê Hindistan bi ji sedî 9, Endonezya bi ji sedî 5, Brezîlya û Vîetnam bi ji sedî 4 tên. Koma herî mezin a bikarhêneran, bi ji sedî 29, koma temenê 25-34 salî pêk tîne. Ji bingeha bikarhênerên Google Gemini ji sedî 58 mêr û ji sedî 42 jî jin in. Ji sedî 40ê bikarhêneran Google Gemini ji bo armancên lêkolînê bikar tînin, ji sedî 30 ji bo afirînerîyê, ji sedî 20 ji bo hilberînerîyê û ji sedî 10 jî ji bo kêfê bi kar tînin.
Di encamê de, Google Gemini bi lez mezin dibe, lê ji bo ku di qada jîrîya çêkirî de serkeftina tevahî bi dest bixe, divê ew bi nûjenî û stratejîyên xurt li dijî hevrikên xwe yên bihêz bisekine vê serkeftina xwe berdewam bike.
