Ralph Lauren, bi markeya kincên werzişî Polo Ralph Laauren a navdar tê nasîn. Karê pêşîn yê sêwirmendê îkonîk Ralph Laurenî, di endustrîya modeyê de li Brooks Brotherê perakendefiroşî bûye. Markeya wî bû markeyeke mezin ya bêhnên xweş, amûrên malê, kincên lûks, xwarin û vexwarinê. Ew bixwe di sala 1939an de li Bronxê ji dayîk bû. Malbata wî koçberên Cihû bûn. Di 16 salîya xwe de ji ber ku zarokên dibistanê henekên xwe bi Ralph û birayê wî Jerry dikirin paşnavê xwe kirine Lauren.
Ew di ciwanîya xwe de jî bi nêrîna xwe ya modeyê ya cuda dihat nasîn. Him ji şêwaza klasîk him jî ji şêwaza kevnare hez dikir û ji Fred Astaire û Cary Grant îlham digirt. Li Manhattanê di Baruch Collegeyê de perwerdeya xwe berdewam kir û li wir beşa fîrmayê xwend. Piştî leşkerîyê di Brooks Brothersê de dest bi xebatê kir. Êdi çîroka wî ya modeyê dest pê kiribû.
Di sala 1967an de li Beau Brummellê dest bi sêwiranên xwe yên stûbendan kir. Wî ew stûbendên xwe bi navê Poloyê marke kirin û li dikanên gelekî mezin hatin firotin. Di sala 1970an de ji bo sêwiranên mêran di Xelata Cotyê de wekî berendam hat nîşandan. Piştî ew qasî deng veda ji bo jinan bi şêwaza mêran gelek bedil dirûtin. Di sala 1972an de jî di 24 rengan de kirasên pembû yên milkin dirûtin. Paşê logoya ji alîyê pisporê tenîsê René Lacoste ve hat amadekirin bû logoya binavûdeng a şîrketê. Lauren bi nîşanên lûks ên dewlemendan û fikrên cuda dihat nasîn.
Fikrên wî yên li ser modeyê ji ber ku ne nûjen in hin kesan ew rexne dikirin lê ji alîyê hin kesan ve jî dihatin ecibandin. Wî bixwe di gelek fîlman de kar kiriye. Wekî sêwirmendekî Amerikî asta xwe bilindtir kiriye. Bêguman bi pêşketina wî markeya Poloyê jî li cîhanê gelekî deng veda. Her wiha him li Amerîkayê him jî li dewletên din dikanên wî vekirin. Lauren gelekî dewlemend bû û di sala 2015an de ket nava 200 mirovên herî dewlemend ên cihanê.
