Li Zanîngeha Mardin Artukluyê dersên kurdî dê bên dayîn. Di bin banê Enstitûya Zimanên Zindî yên li Tirkîyeyê de ji alîyê Navenda Lêgerîn û Pratîka Perwerdeya Onlayn ve dersên kurdî dê bi rêya mamosteyên beşa Ziman û Çanda Kurdî dê bên dayîn ku her yek ji wan pisporê qada xwe ye.
Ev kûrsen kurdî dê onlayn bin û her kesê ji her dera dinyayê dê bikare serî lê bide. Di kûrsê de dersên zazakî (A1) û Kurmancî (A1-B1) dê bên dayîn. Di heman demê de kûrsa mamostetîyê jî dê bê dayîn û her weha azmûna bidestxistina sertifikaya kurdî ku zanîna xwe ya bi kurdî bi belge bikin bêyî perwerdeyê dê bê dayîn. Lînka serîladanê li jêrê ye.
Navenda Lêgerîn û Pratîka Perwerdeya Onlayn, bi daxuyanîyekê anî zimên ku ji bo piştgirî û bala li ser zimanê kurdî bernameyên perwerdeya kurdî ya onlayn di astên cihêreng de vekirîne. Li jêr hûn dikarin li ser kûrsên kurdî û naveroka wan agahiyê bibînin ku serlêdana wan dê li gor wê bê qebûlkirin:
Kursa Kurdî-Zazakî A1
Ev kurs, ji bo beşdarên ku dixwazin asta bingehîn a zimanê kurdî-zazakî hîn bibin tê organîzekirin, li ser axaftinên rojane û rêzimana destpêkê disekine.
Kûrsa Kurdî-Kurmancî A1
Ev kûrs hatiye amadekirin ji bo beşdarên ku dê di asta destpêkê de li ser zimanê kurmancî bixwînin. Li ser strukturên bingehîn ên ziman û şîyanên ragihandinê yên hêsan disekine.
Kûrsa Kurdî-Kurmancî Asta B1
Ev kûrs, ji bo kesên ku di asta navîn de kurmancî dizanin hatîye vekirin, ji bo pêşxistina strukturên kûrtir ên ziman û şîyanên jiyana rojane bi bandortir danûstandinê bikin hatiye amadekirin.
Azmûna Sertîfîkayê ya Kurdî
Ev îmtîhan, dê ji bo beşdarên ku dixwazin asta xwe ya zanîna zimanê kurdî belge bikin bê kirin, dê ji bo beşdarên di asta A1, B1 û yên din de guncan be. Hûn dikarin ji bo serîlêdanên ji bo azmûna pejirandinê tarîxên diyarkirî bişopînin.
Kûrsa Mamostetîya Kurdî
Ji bo beşdarên ku dixwazin bibin mamosteyên kurdî dê mufredateka berfireh bê pêşkêşkirin. Beşdarên ku di dawiya kursê de serkeftî bibin dê ji wan re Sertîfîkaya Perwerdeya Kurdî bê dayîn.
Ji teref zanîngehê ve hate dîyarkirin ku kûrsên me dê ji hêla mamosteyên ku di warên xwe de pispor in û armanc dikin ku ji beşdarên xwe re zanîna zimanî ya teorîk û sepandî bê bidestxistin. Hûn dikarin heta 30.12.2024ê serlêdana bernameyên perwerdeyê bikin.
Ji bo agahdariya berfireh û qeydkirinê, hûn dikarin Forma Serlêdanê dagirin û li navnîşana jêrîn serlêdanê bikin:
Malpera zanîngehê: https://www.artuklu.edu.tr/tr/mauzem/duyurular/aktif-kurslarimiz
Forma serîlêdanê: https://docs.google.com/forms/d/e/1FAIpQLSfrqEsiQVf7qk396K_hOX7Kmjm-15hTokNW5tNThFexWLBrUg/viewform
