Li Pekînê pileya sermaye ya herî kêm hate qeydkirin di serdema nû de. Di van demên dûmahîkê de li gel rawestina berîna berfê pêlên sermaye dest pê kir ku ji sala 1951an heta niha yekem car e ev qas dicemide.
Pile Bû Çend û Çi Qas Ma?
Li gor ragehandina medyaya dewletê ya Beijing Dailyê li stasyona hewayê ya Nanjiao ya Pekînê hate qeydkirin ku germahî ji sifir pileya Celsius (32 pileya Fahrenheit) Yekşemê piştî nîvro ji bo yekem car di çend rojan de rabû.
Beijing Daily nivîsand ku “Germahî yekem car di 11ê Kanûnê de daket binê sifirê, germahî ji 300 saetan zêdetir di binê wê xetê de ma,”. Pêleke sermayê ya bihêz vê mehê piraniya Çînê girt, kapasîteya germkirinê ya hin bajarên bakurê Çînê da zorê.
Pirgrêkên Çawa Derketine Meydanê?
Li bajarê Jiaozuoyê, piştî xerabûna li santrala elektrîkê ya Wanfangê roja Înê, germkirin qismî rawestiya. Li gorî rojnameya fermî ya bajêr, Jiaozuo Daily, pirsgirêk roja şemiyê hate çareser kirin û tê payîn ku germkirin şeva yekşemê ji nû ve dest pê bike.
Li paytext Pekînê hewaya sar bi rojan dest pê kir û bû sedema pirsgirêkan di pergala metroya bajêr de. Desthilatdariya veguhestinê ya bajêr got, ji ber qezaya du trênan bi sedan rêwî birîndar bûne û hatine veguhastin bo nexweşxaneyê.
Sermaya dijwar xebatên rizgarkirinê jî asteng kir, piştî erdheja kujer a vê mehê li parêzgeha ya bakurrojavayê Gansuyê.
