CREDIT: Franck Fife/AFP
Xelata Lîstikvanê Futbolê yê Baştirîn ê Ewrûpayê yê Sala 2023an ku bi navê Ballon d’Or’ê tê zanîn lîstikvanê İnter Miamî’yê yê Argentinî Lionel Messi stand.
Di cîhana talanê (futbol) de kelecana Ballon d’Or’ê hebû ku cara 67an e tê belavkirin. Cihê mêvandarîya vê bernameyê Téâtre du Câtelet bû li Parisê. Herî dawî Karim Benzema ev xelat standibû, îsal jî Lionel Messi bû xwedîyê vê xelatê.
Lionel Messi Cara Çendan e vê Xelatê Distîne?
Li gel vê xelatê eve bû cara heştemîn Lionel Messi vê xelatê distîne. Messi li pişt xwe rekoreke mezin hêla ku bawerî pê nîne kesekê dî vê rekorê bişkêne. Lîstikvanekê wekî Cristiano Ronaldo jî ji vê xelatê 5 heb hene.
Lionel Messi Çi Got?
Piştî standina xelata Ballon d’Or’ê Lionel Messi hest û hizirên xwe weha anîn zimên: “Ez gelek spasîya hevjîna xwe, malbata xwe û piştevanên xwe dikim. Kûpaya Cîhanê xewn û xiyala min bû. ez gelek salan li bendê mam. Maradona baştirîn e. Rojbûna te pîroz be Diego!”
Lionel Messi Kîjan Salan Ev Xelat Standin?
Listikvanê 36 salî Messi di salên 2009, 2010, 2011, 2012an çar caran li ser hev û paşê jî 2015, 2019, 2021 û herî dawî jî xelata 2023an stand.
Lionel Messi Di Sala 2023an de Çi Kir?
Messi hem di bidestxistina Kûpaya Cîhanê de bû serlehengê tîma dewleta xwe Argentînayê û hem jî piştî ku transferî tîma talanê ya Emerîkayê İnter Miamî’yê bûyî ew ji rewşeke xirab ber bi serkeftinan ve birin. Sereray emrê wî yê 36 salî îsal performansa wî gelek serkeftî bû.
Rêza Ballon d’Or’ê Çawa bû?
Piştî messî rêza Ballon d’Or’ê weha bû; Lîstikvanê M. City’yê yê norweçî di rêza duyem de, Lîstikvanê PSG’yê Kylian Mbappe yê frensî di rêza sêyem de, dîse lîstikvanekê dî yê M. City’yê yê belçîkî Kevin De Bruyne di rêza Çaran de û dîse lîstikvanekê dî yê M. City’yê yê spanyayî Rodri di rêza pêncan de cihê xwe girt.
Di Ballon d’Or’a Jinikan de Atiana Bonmati Xelat Stand
Heman Xelata Ballon d’Or’ê ya Jinikan jî Atiana Bonmati stand. Bonmati bi Tîma Millî ya Spanyayê re Kûpaya Cîhanê û bi tîma Barcelonayê re kûpaya Lîga Şampîyonan stand. Li gel vê yekê ev bû sê sal li ber hev lîstikvanên Barcelonayê vê xelatê distînin. Par û pêrar jî dîse lîstikvana Barcelonayê Alexia Putelles ev xelat standibû.
