Cîhana teknolojîyê gihişt qonaxeka giring. OpenAl’ê, di encama veberhênana xwe ya dawîyê de, nirxê wê yê pîyaseyê gihişte nêzîkî 300 milyar dolaran û bû yek ji mezintirîn şirketên teknolojîyê yên taybet li cîhanê. Ev tora fînansmanê bi harîkarîya şirketên dêw yên wekî Microsoft, SoftBank û Coatue Management pêk hat ku di warê jîrîya çêkirî de derîyê serdemeka nû vedike.
Mezinbûna Nirxê OpenAl’ê û Paşvehêlana Hevrikên Xwe yên Mezin
Çawa ku nirxê OpenAl’ê gehişte nêzîkî 300 milyar dolaran, di heman demê de gelek şirket li paş xwe jî hêlan:
Coca-Cola: 270 milyar dolar
Nike: 220 milyar dolar
McDonald’s: 220 milyar dolar
ExxonMobil: 280 milyar dolar
Bi vî nirxê xwe OpenAl, ne bi tenê bi dêwên teknolojîyê re kete rikaberîyê, di heman demê de bi şirketên pêşeng yên wekî sektora enerjîyê û zehêkirina global re jî gehişte asta rikaberîyê. Bi taybetî, paşvehêlana şirketa enerjîyê ya Chevronê, tê wê wateyê ku êdî jîrîya çêkirî bi tenê ne cihê veberhênanê ye, di heman demê de yek ji lîstikvanên bihêztirîn de di ekonomîya cîhanî de.
Stratejîyên li Pişt Veberhênanê û Pîlanên Pêşerojê
Di vê tora fînansmanê de herî zêde SoftBankê piştgirî dayê, bi razandina/veberhênana 30 milyar dolaran bal kêşa. Microsoftê jî piştgirî da vê pêla nû û derfet da pêşvebirina binesazîya karhênana zanînê ya OpenAl’ê, hilberandina modelên nû yên jîrîya çêkirî û çêbûna bandora di asta cîhanê de.
CEO’yê OpenAl’ê Sam Altman, da zanîn ku ew li ber in di sala 2025ê de GPT-5ê derxin pîyaseyê û ev model bihêztirîn modela jîrîya çêkirî be heta niha. Her weha di nav armancên demdirêj ên OpenAl’ê de, pêşxistina tekonolojîyên karhênana zanîna nifşê nû û sîstemên jîrîya çêkirî yên tam otonom hene.
Analîzek ji bo serdema bê: Pêşeroja OpenAl’ê û mezinbûna bilez a OpenAl’ê, jîrîya çêkirî di ekonomîya cîhanî de ji nû ve bi cih dike.
Bêhtir bala xwe dide ser bernameyên bazirganîyê: Çareserîyên li ser binkeya GPT, ji xizmeta mişterîyan bigire heta duristkirina naverokan dê di gelek sektora de bibe bikarhêner.
Têkoşîna li hember verastkirinên jîrîya çêkirî: OpenAl ji ber rîskên etîk û ewlekarîyê ya jîrîya çêkirî, belkî mecbûr bimîne bêhtir bikeve peywendîyê li gel hikûmetan.
Avakirina hevparên teknolojîyê yên mezintir: Hevparîya li gel Microsoftê, dikare bi projeyên nû berfirehtir bibe bandora jîrîya çêkirî di cîhana karsazîyê de.
Proseya pêşkêşîya xelkê: OpenAl bi 300 milyar dolaran, ew potansîyek heye ku ji alîyê pêşkêşî û daxwaza xelkê ve bibe yek ji şirketên herî mezin.
Di encamê de, OpenAl derîyên serdema nû vedike. Mezinbûna teknolojîya jîrîya çêkirî bû sedem ku OpenAl bibe yek ji teknolojîyên mezin ên cîhanî. OpenAl din av çend salekên pêş de, ne bi tenê di cîhana teknolojîyê de, di heman demê de di ekonomîya cîhanî û cîhana karsazîyê de xuya ye dê bibe yek ji lîstikvanên xurt. OpanAl’ê dêwên klasîk yên wekî Coca-Cola û Nike paş xwe ve hêlan û amade ye bibe serkêşê serdema jîrîya çêkirî.
Ev mezinbûn, wekî temsîla şoreşê ye di cîhana teknolojîyê de. Li salên pêşîya me, modelên kar yên bi piştgirîya jîrîya çêkirî, dê cihê rikaberîyê bi temamî ji holê rake. Ev serkeftina OpenAl’ê, belkî bi tenê destpêkek be ji bo veguherînê.
