Li Avusturyayê mezintirîn û jehdrdartirîn pîrhevoka dinyayê hate dîtin ku heta niha pîrhevokek ev qas mezin nehatibû dîtin.
Li gor daxuyanîya Parka Xişxişok a Avusturyayê, ev pîrhevok li Central Coastê hatîye dîtin ku 80 kîlometreyan dikeve bakurê Sidneyê ye. Paşê ev pîrhevok radestî nexweşxaneya herêmê hatîye kirin. Her weha ev navê vê pîrhevoka ji malbata tora huni ya Sidneyê jî kirine “Herkûl”.
Mezinahîya Wê Pîrhevokê Çend e?
Mezinahîya vê pîrhevokê ji serê lingê pêşîyê heta serê lingê dawîyê 7,9 santimetre ye. Exleb mezinahîya wan di navbera 1-5 santîman de ye. Heta niha rekora mezinahîyê di destê pîrhevoka tora hunîyê ku Bi nasnavê “Colossus” dihate zanîn.
Li Ku Derê Dijî?
Exleb li Avusturyayê ji bakurê bajarê Sidneyê heta bajarê Newcastleê û li Çîyayê Şîn ê rojavayê li cihên daristanî û şînkatî dijîn.
Wê Çi Ji Jehra Wê Bê Kirin?
Jehra vê pîrhevokê anku ya Herkûlê wê daxilî bernameya panzehîrê bê kirin. Ev jî wê bi rêya “dotina” wan jehra wan bê komkirin û paşê jî ji bo çêkirina dermanên nexweşîyan bê bikaranîn.
Rayedarên Parkê Çi Gotin?
Zêrevanê Pîrhevokên Parka Xişxişokan a Avusturyayê Emma Teni der barê mijarê de weha got: “Em elimî ne ku pîrhevokên tora hunîyê yên mezin bêne parkê, lê belê hatina pîrhevokek weha wekî bidestxistina xelatek mezin e. Hate piştrastkirin ku pîrhevokên mê yên tora hunîyê jehrdar in lê ne bi qasî yên nêr kujer in.”
Piştî destpêkirina bernameya panzehîrê ji sala 1981an heta niha li Avusturyayê ji gezkirina pîrhevoka tora hunîyê hîç kesek nemirîye.
