Îstasyona Fezayê ya Navnetewî ku di sala 1998an de hatibû çêkirin, ji zû de ye emrê timam kirîye. Pêşîkê ji alîyê lêkolerên Nasayê ve hatibû dîyakirin ku emrê wê nêzîkî 15 salan e. Niha hewil û hewildanek heye ku rêyekê jê re bibînin û ji karîgerîyê derxin.
Panela Şêwirmendîyê ya Ewlehîya Fezayê ku girêdayî ajansa fezayê ye roja pênçşemê civînek li dar xistin. Di vê civînê de berpirsîyaran ragehandin ku heger îstasyon bê kontrol bikeve atmosferê dibe ku bikeve dinyayê û ser insanan. Di civînê de hate dîyarkirin ku divê “romorkorek fezayî” ya taybet bê çêkirin ku îstasyona berbehs ji rêgeha wê derxe.
Serokê ASAP’ê Patricia Sanders Der Bareyê vê Mijarê de Çi Got?
Serokê ASAP’ê Patricia Sanders a zanîn ku “bivêt nevêt roja dawîlêhatina emrê vê îstasyonê dê bê. Em wê rojê nizanin û nikarin dîyar bikin. Li ser vê yekê em nikarin destûrê bidin, ev îstasyonê bê kontrol ji rêgeha xwe derbikeve. Ev îstasyon gelek mezin e û ji bo insanan li dinyayê tehlokeyeka mezin e. Heger em bixwazin rê li ber vê karesatê bigirin divêt çavkanî bêne dayîn.”
Derketina ajoteka fezayî ji rêgeha xwe, ji bo NASA’yêne tiştekê nû ye. Lê belê Îstasyona Fezayê ya Navnetewî xetereyeka mezin di xwe de dihewîne lewma baldarîyekê dixwaze.
Îstasyona Fezayê Çi Qas Mezin e?
Dirêjahîya wê 358 metre ne ku heger bikeve û bi perçeyekê atmosferê derbaz bike dikare bi sanahî talgehekê (stadyûm) bi timamî biperçiqîne.
Plana NASA’yê Çi Ye?
Nasa dixwaze heta sala 2030an vê îstasyonê ji karîgerîyê derxe û ew difikirin ku vê yekê bi romorkorekê bikin. Li dû vê yekê ev romorkor dê îstasyonê dehf bide ber bi atmosferê ve ku ew bi xwe dê di atmosferê de bişewute biçe bes dê hewil bide perçeyên îstasyonê li dûrî niştecihan bikeve.
Daxwaza NASA’yê Çi Ye?
NASA’yê da dîyarkirin ku 180 milyon dolar veqetandine ji bo çêkirina vê romorkorê lê sermîyanê ji bo çêkirina îstasyonek dî 1 milyar dolar e. Ji bo ku ev yek bê cih jî NASA’yê daxwaz kir ku budçeya sala bê divê bikin 27,2 milyar dolar.
