Li Ser Facebookê, Rêbazeka Şelandinê Ya Bi Reklamên “Naverokên Erotîkî” Derket Holê. Rêbazek sixtekarîyê hate dîtin ku zilamên ji 45 salîyê mezintir dike armanc.
Şelandina Reklamên Erotîk Çawa ye û Kê Dikin Armanc?
Li gorî lêkolîna ji hêla Bitdefender ve hatî çêkirin hacker, li ser Facebookê hêrişê dibin ser kesên ku ji hîç tiştekê guman û şik di dilê wan de neyî û nivîsebarîyên bi zerer dişînin kompûtera wan ku daneyên wan bidizin. Ji bo vê yekê jî berê mirovan didin hinek lînkan bi bêceta gehiştina naverokên erotîk. Li gorey lêkolînan, armanca wan zilamên 45 salî û jê mezintir in.
Heta Niha Çend Kesan Nesîbê Xwe jê Dîtîye?
Lêkolîner diyar dikin ku heta niha zêdetirî 100 hezar daxistinên potansiyel hene. Ev kesên nesîbê xwe jê dîtîn ji kompûtera wan daneyên giring, agehîyên razandina pereyan û agehîyên berîka krîptoyê têne dizînê.
Sîstema Şelandina Reklamên Erotîk Çawa Dixebite?
Pergal bi vî awayî dixebite: Berî her tiştî hesabeka sexte, profîleka sexte tê çêkirin. Di vê profîlê de, wêneyekê şêlî yê jinekê tê danîn. Dûv re, çend wêneyên wê jinikê ku berê hatine bidestxistin hinekê şêlî dikin û wekî reklam di vê profîlê de têne belavkirin. Heta ji bo ku balê bikêşe ser xwe nivîsên wekî “berî bê jêbirin lê binêre” têne nivîsîn. Heçê lînkê bitikîne bi navê Photo Album.exe bêhemdî xwe dosyayekê dadixîne. Ev dosya jî kopîyeka nivîsbarîyeka bi zerer NodeStealer’ê dadixîne kompûterê.
Li Reklamên Erotîk Pispor Çi Dibêjin?
Hat diyarkirin ku hêrişkaran di 24 saetên ewil ên hêrişê de bandor li 15 hezar cîhazan kirine. Facebook hewil dide hêrişên bi vî rengî rawestîne. Pispor hişyarîyê didin ku divê mirov li hember naverokên weha baldar be û ji yên xwedî guman jî dûr be.
