Hat ragihandin ku ji bo jiholêrakirina tumoran ji aliyê lêkolînerên Zanîngeha Rice ya Teksasê ve rêbaza bi navê “Çakûçên molekular” (MHJ) tê bikaranîn.
Çawa Tê Kirin?
Di rêbaza MHJ de, boyaxa siyanînê tê derzîdan ku di prosedurên wênegirîya bijîjkî de tê bikaranîn di laş de. Li gorî agahiyên hatine bidestxistin; Dema ku ev reng bi hucreyeke penceşêrê ve girê dide, ew ji hêla ronahiyek infrasor ve tê çalakkirin ku dikare bêyî ku zirarê bide laş kûr bikeve nav laşî.
Hewahengîyen Çawa Çêdike?
Ev sînyal di hucreya penceşerê de lerizînê çêdike û kanserê ji holê radike û dibe sedem ku parzûna şaneyê biqelişe. Ciceron Ayala Orozco, nivîskarê sereke yê lêkolînê, got ku teknolojî heya niha tenê li ser mişkan hatiye ceribandin û ew di prensîbê de dixebite.
Gelo Dikare Niha Bê Bikaranîn?
Akademîsyenî diyar kir ku ceribandinên li ser mirovan encax piştî salan dikarin bên kirin. Orozco her weha diyar kir ku teknolojiya MHJ li gorî kemoterapiya ku di dermankirina penceşêrê de tê bikaranîn dê bibe sedema gelek kêmtir bandorên xerab.
James Tour ji Zanîngeha Rice ragihand ku di ceribandinên xwe yên li ser mişkên bi melanoma, penceşêra çermî ya êrîşkar, hucreyên pençeşêrê di nîvê heywanan de bi tevahî hatine hilweşandin. Lêkolînerî got ku ew lêkolînên xwe didomînin da ku ev teknolojî ji bo tespîtkirina bermahiyên şaneyên penceşêrê yên di laş de jî were bikaranîn.
