Zanyaran pêwendiya di navbera telefonên destan û penceşêrê de kifş kirin. Zanyaran bi lêkolîna îdîayên ku dibe sedema penceşêrê, encamên balkêş dîtin. Zanyarên Brîtanî û Swêdî lêkolîneke berfireh li ser vê yekê kirin ku bikaranîna telefona destan dibe sedema penceşêrê yan na.
Di lêkolîneke zanistî de ku 17 salan li ser 250 hezar bikarhênerên telefonên destan hatiye lêkolînkirin, pisporan diyar kirin ku bikaranîna telefonên jîr û telefonên destan metirsiya penceşêrê mejî zêde nake.
Lêkolîn Çawa Hate Kirin?
Zanyarên Koleja Imperial a Londonê û Enstîtuya Karolinska ya li Swêdê, ku bi salan e li ser kesên ku telefonên desta bi kar tînin lêkolîn dikin, beşdar ji nêz ve lêkolîn kirin û di navberên bi rêkûpêk de daneyên wan kontrol kirin.
Di lêkolînê de nêrîna ku pêlên elektromagnetîk ên bi têlefonên destan çêdibin dibe sedema penceşêra mejî red kir, hat destnîşankirin ku tu têkiliya nexweşîyê û bikaranîna telefona destan nîne.
Profesor Mireille Toledano ku lêkolîn bi rê ve bir, got ev encamên kêfxweş in. Telefonên nû qadên elektromagnetîk ên kêmtir bandorker diafirînin û mirov niha telefonên xwe yên destan zêdetir ji bo medyaya civakî, bangewaziya vîdyoyan û gerandina înternetê bi kar tînin, wan ji serê xwe dûr dixin.”
“Me Nekarî Em Delîlekê Bibînin”
Profesor Paul Elliott ê ku beşdarî lêkolînê bûyî got, “Ev lêkolîna herî mezin a pirneteweyî ya li cîhanê ye. Me tu delîl nedît ku bikaranîna demdirêj an jî bi tundî ya telefonên jîr metirsîya tîmorên di mejî de zêde dike.”
Lêkolîna tîmê, ku di kovara Environment International de hate weşandin, eşkere kir ku ferq û cudahîyeke mezin a rêjeya tîmorên mejî di navbeyan ji sedî 10ê de ku herî zêde dem li ser têlefonên destan derbaz kirine, ji yên ku telefonên destan kêmtir bi kar tînin nebû.
