Hilberînerê otomobîlên elektrîkê ya Amerîkî Tesla, di doza xwe de biser ket. Tesla bi hêceta ku sîstema alîkarîya ajovanan “otopîlot” bûye sedema qezayan kujer doz lê hatibû vekirin.
Çi Doz Li Teslayê Hatibû Vekirin?
Doza ku li dijî Teslayê hatî vekirin encam da ku di sala 2019an de qezayek çêbûye û du rêwîyên di erebeyê de bi îddiaya ku “otopîlot xerabûyî bû” gilîya xwe kiribûn. Darizandin li Dadgeha Bilind a Riverside County ya eyaleta Kaliforniyayê hate kirin. 12 jûrîyan da zanîn ku ev erebeya qeza kirî çi xeletî û kêmasî di hilberîna wê de nîne.
Bûyera Qezaya Teslayê Çawa Bû?
Dawakeran îddîa kiribûn ku sîstema otopîlotê bûye sedem ku erebeya Model 3 ji nişka ve ji rê derbikeve û li darekê bide û erebe bişewute. Di vê qezayê de xwedîyê erebeyê Micah Lee miribû û du rêwî jî birîndar bûbûn.
Teslayê Parêzavanîya Xwe Çawa Kiribû?
Taslayê jî parêzvanîya kiribû ku “xetaya şexsî bûye sebeba vê qezayê”. Tesla da zanîn ku ajovanê erebeyê berî hingê eraq vexwarîye, lewra ev berpirsîyarî red kiribû û dabû zanîn ku di dema qezayê de ne dîyar e ka otopîlot aktîf bû yan na.
Ev Encam Li Emerîkayê Çawa Hate Nirxandin?
Çapemenîya Emerîkayê encama vê dozê wekî serkeftinek mezin nivîsan ji bo Teslayê ku li seranserê welêt bi gelek dozên weha re rû bi rû ye û serkeftina xwe ya yekem bi dest xist.
