Xelatên 3. Festîvala Fîlman a Amedê ya Navneteweyî hatin dayîn. 3 xelat ji bo porjeyên nû, 3 xelat ji bo kurtefîlman, 2 xelat ji bo belgefîlman û 6 xelat jî ji bo fîlmên metrajdirêj hatin dayîn.
3. Festîvala Fîlman a Amedê ya Navneteweyî xilas bû ku ji alîyê Şaredarîya Mezin a Amedê ve hate lidarxistin, bi merasîma xelatên mezin li Navenda Kongreya ÇandAmedê hate lidarxistin. Festîval bi diruşma “Dinya bi çîrokan tê ba hev” di navbera 7-14ê Berfanbarê de mêhvandarîya sinemahezan kir, bi giştî 84 fîlm, kurtefîlm û belgefîlm ji temaşevanan re hatin pêşandin. Her weha bi atolye, panel û sohbetan jî berbijarên sînemayê perwerde kir. Festîval ji alîyê Akademîya Sînemaya Rojhilata Navîn û Sinebîr ve hate birêvebirin û hêza veguherîner a sînemayê careka dî binxêz kir, bi navendkirina temayên aşitî, berxwedan û azadîya jinê.
Merasîma xelatan a festîvalê bi beşdarîyeka zêde pêk hat. Ji ber tijîbûna salonê hin temaşevan ji pê ve man, berî merasîmê bi resepsîyon û pêşandana sinevizyonê coşa atmosferê bilindtir bû. Merasîm bi destlêkdanê ji endamên komîteya amadekar a festîvalê û wêneya komî bi dawî bû. Xelat di kategorîyên fîlmên dirêj, fîlmên kurt, belgefîlm û fonên projeyan de hatin belavkirin; gelek xelat li ser dilovanî, edalet û têkoşîna jinê hatin dayîn û bûn sedema kêlîyên hestîyar.
Katogorîyên Xelatan û Xelatgir
Xelatên ku di festîvalê de hatin dayîn, bi nirxandinên hûrgilî yên endamên jurîyê xwedîyên xwe dîtin. Li jêrê lîsteya tam heye li gorî kategorîyan:
Fonên Projeya Sinebîrê:
Kurtefîlmê: Projeya “Tarî û Ronahî” ya Raber Îbrahîm
Belgefîlm: Projeya “Hucre, Takekes-laş, Civat” bi Zelal Sadak
Fîlmê Dirêj: Projeya “Diroka Wenda” bi Ali Kemal Çınar
Xelatên Kategorîya Kurtefîlman:
Xelata Mansîyonê ya Zîlan Hemo: Kurtefîlmê “Sêgoşe” yê Jîno Hadî Hesen
Xelata Taybet a Jurîyê: kurtefîlmê “Garan yê Mahsum Taşkın.
Xelata Mensûr Kerîmyan: Fîlmê “Kawyar” yê Salem Salavatî.
Xelatên Kategorîya Belgefîlman:
Xelata Taybet a Jurîyê: Belgefîlmê “All The Mountains Give” yê Arash Raksha.
Xelata Taha Karîmî: Belgefîlmê “Xalko” bi Sami Mermer & Hind Benchekroun.
Kategorîya Fîlmên Metrajdirêj:
Xelata Dîmensazîya Afirîner: Fîlmê “Ciran”: Stephane Kuthy.
Xelata Senaryoyê ya Sırrı Süreyya Önder: Fîlmê “Ezmûn” yê Shawkat Amîn Korkî
Xelata Kadraja Çeleng: Fîlmê “Berîya Şevê” yê Ali Kemal Çınar
Xelata Tevnan a Serhildêr: Fîlmê “The Virgin and Child” yê Binevşa Bêrîvan
Xelata Taybet a Jurîyê: Fîlmê “Zalava” yê Arsalan Amiri.
Xelata Berxwedanê ya Yılmaz Güney: Fîlmê “Sonne” yê Kurdwîn Eyûb
Axaftinên Hestîyar û Xelatên Hatine Dayîn
Merasîm bi axaftinên xwedîyên xelatan ên hestîyar rengîn bû. Derhênerê ji Helepçeyê Raber Îbrahîm, dema xelata xwe standî got: “Em bi Festîvala Fîlman a Amedê careka dî dest bi jîyanê dikin” û axaftineka hestîyar kir. Ali Kemal Çınar jî du xelatên xwe ji hevala xwe ya koçkirî Dîlan Kahramanê re veqetand û got: “Ji ber wergirtina vê xelatê dilşad im, em hevalên xwe ji bîr nakin.” Mahsum Taşkın jî hêvîya xwe anî zimên: “Ez bawer im ku ev festîval dê bê astengî her tim berdewam bike. Ev festîval hêvîyê dide me.”
Seroka Komîteya Amadekar a Festîvalê Lîsa Çalan, di axaftina vekirinê de giringîya arşîva sînemayê û pêvajoya aşitîyê binxêz kir û spasîya sazîyan piştgir kir. Hevseroka Şaredarîya Mezin a Amedê Serra Bûcak jî soza vekirina salonên nû yên sînemayê da û mîrateya aşitî û demokrasîyê ya Sırrı Süreyya Önder bi bîr anî: “Ruhê Sırrı Abê li vir bi me re ye. Em ê mîna wî çîrokên xwe bêjin.”
Bi taybetî di dema Xelata Tevnan a Serhildêr de dirûşmên “Jin Jîyan Azadî” yên ku li salonê bilind bûn, ruhê berxwedêr ê festîvalê nîşan da. Di dema dayîna Xelata Mensûr Kerimyan de jî bi bîranîna şehadeta derhêner spasîya gelê Rojhilatê hate kirin.
Giringîya Festîvalê û Pêşeroj
3. Festîvala Fîlma a Amedê ya Navneteweyî, cihê çîrokên herêmî û sînemaya kurdî di platforma navneteweyî de peyda kir. Bûyer ne bi tenê bi pêşandanên fîlman sînordar ma; bi atolye, panel û sohbetan jî berbijarên sînemayê perwerde kir. Bucak mizgînî da ku sala were fîlmên festîvalê li gelek salonan bêne nîşandan û got: “Amed dê berdewam be ku bibe dilê sînemayê.”
Festîval, berxwedana çandî ya kurdan sembolîze dike. Tevî şertên zehmet jî bi hezaran temaşevan kişand, hêza yekgirtî ya sînemayê careka dî îsbat kir. Ji bo festîvala sala bê heyecan hêj niha di lûtkeyê de ye.
