Di çarçoveya 1emîn Festîvala Fîlmên Kurdî ya Onlayn a Zagrosê ku 1ê Adarê dest pê kir û dê heta 31ê Adarê bidome, 15 fîlmên Kurdî dikarin li ser înternetê werin temaşekirin. Her weha ev yekem festîvala kurdî ya onlayn e ku cihê xwe di dîrokê de girt.
Taybet ji bo vê festîvakê 15 fîlm hatine amadekirin ku 8 jê fîlmên dirêj in. Di nav van fîlmên de ku bi zaravayên cuda yên kurdî hatine kişandin, fîlmên pêşîn ên li ser kurdan, Grass û Zerê hene ku di salên pêşîn ên Yekîtiya Komarên Sovyet ên Sosyalîst (YKSS) de, di sala 1926an de hatiye nîşandayîn.
Festîvala ku dê 5 fîlmên kurdî li ser înternetê ji temaşevanan re bên weşandin, wê tevahiya meha Adarê bidome. Di festîvalê de fîlmên ku dikarin bên temaşekirin fîlmê Alî Kemal Çinar a bi navê “Gênco” û fîlmê Aram Dildar yê bi navê “Navnîşan” hene.
Banga Koordînatorê Festîvalê Sîmon Silêmanî ji temaşevanên festîvalê re bi kurtî weha ye:
“Hunerhez, dilhezên sînemayê û dostên çanda kurdî yên ji çar aliyê cîhanê; Hûn bi xêr hatin Festîvala Fîlman a Zagrosê, bûyereke hunerî ya yekgirtî ku sînor, erdnîgarî û zimanan derbas dike. Wek yekem festîvala fîlmên kurdî ya onlayn, ev bûyer derfeteke bêhempa pêşkêş dike ku mîrateya çandî ya dewlemend û cihêreng a Kurdistanê û hêza sînemayê ji temaşevanên cîhanî re nîşan bide.
“Di Hilbijartina Festîvala Fîlman a Zagrosê ya sala 2024an de 15 fîlmên orîjînal bi îmzeya derhênerên giranbiha cih digirin. Ev fîlm, ji gelek herêmên Kurdistanê tên û bi zaravayên cuda yên kurdî hatine kişandin. Ev festîvala ku dê yekem fîlmê li ser kurdan Grass û duyemîn fîlmê li ser kurdan Zerê bê nîşandan, balê dikişîne ser gera sînemaya kurdî ji berê heta niha û balê dikişîne ser mîrateya dewlemend û perspektîfên pêşerojê yên di vî warî de.
Fîlmên Bêne Nîşandan Weha ne:
- Pera Berbang: Arîn Înan Arslan
- Grass: Cooper & Schoedsack
- Ali Ata Bak: Orhan İnce
- Kurdistan Kurdistan: Bülent Gündüz
- Mûsayê Bê Asa: Aydın Orak
- Azad: Yakup Tekintangaç
- Zerê: Hemo Beknezeryan
- Mavera: Vedat Oyan
- Gênco: Ali Kemal Çınar
- Dibim Baran Dikevim Ser Bajêr: Kasım Ördek
- Welatê Qehremanan: Sahim Omar Kalifa
- Evîn Di Rûyê Qirkirinê De: Şêro Hindê
- Zindan yan Sirgûn: Şerif Çiçek
- Navnîşan: Aram Dildar
- Kobanê: Özlem Arzeba
